- - - - -

---

Ég held það sé óhætt að lýsa þetta blogg látið. Það er bara ekkert að gerast hérna.

Ég setti þó inn myndir frá Seattle ferðinni okkar á nýju myndasíðuna mína. Yndisleg fer að baki!

Ætli ég haldi ekki myndasíðunni en loki blogginu...

Myndirnar eru HÉR

r e g í n a  :)

---

Bleikt.

---

Það var meira en að segja það að finna eitthvað bleikt á þessu heimili í morgun. En strákarnir fengu nýja bleika kisusokka í tilefni dagsins og voru rosa fínir auðvitað. Róbert skildi samt ekki afhverju sokkarnir hefðu þurft að vera bleikir OG með mynd af kisu á í þokkabót..en var tilbúinn að fórna sér fyrir málstaðinn að sjálfsögðu.

Ég keypti mér svo þessa fallegu Kimmidoll í tilefni dagsins:

..svo bleik og falleg.

---

Það er frábært að sjá hvað fólk er að taka mikinn þátt í þessum degi. Það er allt bleikt,hvert sem litið er.

Úbbosí.

---

Ja hérna..ég er barasta enginn bloggari lengur. 

En ég er allavega búin að vera alger meistari það sem af er meistaramánuði. Jibbí fyrir mér. Fyrir utan það að ég get ekki farið snemma að sofa! Hvað er það?

---

Annars er ég eins og lítið barn að bíða eftir jólunum þessa dagana,þar sem það eru bara 9 dagar þar til við hjónin leggjum af stað í smá kærustuparaferð til Seattle. Tónleikar,bjór,fótboltaleikur,fullt fullt af mat,smá Target og HM kannski...Aaaaah já! hvað þetta verður ljúft. 

Ég hlakka til að eiga deit við þessi krútt í Showbox at the Market eftir 11 daga!

Og þessa fola,sama kvöld..

---

9 dagar,and counting...!

Meistaramánuður

---

Nú ætla ég í fyrsta sinn að taka þátt í Meistaramánuðinum. Ég ætlaði hvort eð er að byrja í átaki í dag. Eins og alla daga sosum,en hey..batnandi konu er best að lifa ekki satt?

---

Í meistaramánuðinum ætla ég:

..að fara fyrr að sofa.

..hreyfa mig að lágmarki 5 sinnum í viku.

..prófa mig áfram með holla rétti.

..ekki drekka neitt gos. (nema smá þegar ég verð í Seattle)

..eiga mikið mikið af gæðastundum með strákunum mínum.

..eiga allavega tvö deit-kvöld með Árna.

..njóta lífsins og æfa mig í því að lifa í núinu.

..og alveg fullt sniðugt í viðbót!

Svo að búið ykkur undir overload af myndum hérna inni..ég ætla að vera dugleg að skrásetja þennan mánuð;alla hreyfingu og nýja og breytta matarræðið. 

Svo skora ég auðvitað á alla að vera með í meistaramánuðinum.

Skoða meira um meistaramánuð HÉR. 

---

---

Fallegt.

---

Það er svo mikið auðveldara að vakna á svona dögum..

..aah..yndislega íslenska haustið upp á sitt besta.

:)

---

Sunnudags.

---

Þessi sunnudagsmorgunn er búinn að vera svo notalegur.

Kaffi,heimabakað brauð og rólegheit. Sófakúr með þremur morgunmygluðum og mjög svo skemmtilegum strákum sem eru búnir að vera að krútta yfir sig í allan morgun. 

Svo er það bara að skella ipodinum í eyrun,reima á sig gönguskóna og fara út í morgungöngu.

Hljóma ég nokkuð sextug???

---

Þetta lag..ó þetta lag.

---

Að lokum vil ég benda ykkur á uppskriftina hennar Sollu "grænu" af besta brauði í heimi.

Þetta er svo fljótgert og brauðið er alltaf jafn mikill hittari.

Ef þið hafið ekki prófað þá mæli ég því að þið gerið það sem fyrst.

---

Hafra og speltbrauð

4 dl spelt- t.d. fínt malað

1 dl graskerjafræ

1 dl hörfræ

1 dl sólblómafræ

1 dl tröllahafrar eða haframjöl

1 msk vínsteinslyftiduft

1 1/2 tsk kúmen

1/2 tsk salt

2-3 msk hunang

2 1/2 dl soðið vatn

1 msk sítrónusafi

HÉR getið þið svo horft á myndskeið þar sem hún gerir brauðið. En þetta er beisiklí bara að henda öllu í skál,hræra með skeið,henda í form og inn í ofn í 25-30 mínútur.

---

Broskall.

 ---

Ég : "Gunnar Bergvin,brostu fyrir mig."

Gunnar Bergvin:

Hann hlýtur að fá höfuðverk af þessu "brosi". :)

---

REÁ

Þessi litli/stóri,nýorðni 7 ára strákur sagði áður en hann fór að sofa í gær:  

"Mamma,þetta var besti dagur lífs míns og allir draumarnir mínir rættust". 

Yndislegt. :)

Hann varð sem sagt 7 ára í gær. Ótrúlegt! -en satt :)

Hér er afmælisbarnið með bræðrum sínum..Allir í stuði eins og vanalega!

---

Þessir stuðboltar gera mig svo hamingjusama að það hálfa væri nóg!

---

PS. ég setti inn afmælismyndir á myndasíðuna:

http://reginumyndir.123.is/photoalbums/233329/

(sama password og alltaf)

-

Nú þegar haustið er að ganga í garð,þá ætla ég að blása lífi í gamlar glæður og byrja að blogga aftur.

Nú eru strákarnir sumsé allir byrjaðir í skólanum aftur. Sem þýðir ekkert annað en það að nú á ég svolítinn tíma fyrir sjálfa mig aftur,eftir sumar sem einkenndist af því að hafa ofan af fyrir strákunum,vinnu og nú síðast veikindum. ( Hver fær eyrna- og kinnholusýkingar á sumrin?? ) Það hefur ekkert annað komist að,spyrjið bara vinkonur mínar. Þetta sumar er sannarlega búið að fljúga frá mér.

-En ég er ótrúlega spennt fyrir haustinu,það er margt & mikið skemmtilegt framundan. :-)

Þar til næst,

Regína :)

---

Nokkrar nýlegar af Instagram:

--

-róbert elí hljóp 3 km,alger snillingur-              --mamma & birkir lokkaprúði-

-29 ára afmælisblóm-                                      -fyrsti skóladagurinn í 2.bekk-

-kvöldstund með natöshu-                            -birkir ísak vatnsgreiddur-

-auður ósk og birta ísgerður á spjalli-

---

-ég elska instagram!-

Myndasumar.

Það er alveg spurning hvað verður um þetta blogg mitt. Ég er voða mikið upptekin þessa dagana/vikurnar,þar sem ég er farin a fljúga aftur og svo eru allir strákarnir í sumarfríi takk fyrir. Hér er sumsé líf og fjör.

Í haust ætla éeg svo að gerast skólastelpa,svo að það verður ekki endilega mikið meira um frítíma þá.

En nokkrar myndir frá seinustu vikum:

---

---

Þetta er búið að vera algert yndis sumar. Það hefur bara liðið alltof hratt.

---

Sumarknús!

R e g í n a :)

Portobelllo borgari...

---

Í gær grillaði ég Portobello sveppi og gerði borgara. Algert nammi! Og mun léttara í magann en venjulegur kjöt-hamborgari. 

Ég ofnsteikti svo kartöflur og gerði pestó majones,bæði til að dýfa kartöflunum í og líka til að nota sem sósu á borgarana.

Grillaður Portobello borgari:

-undirbúningur-

2 dl ólívuolía

5 msk balsamik edik

3 msk worchester sósa

salt

svartur pipar

Hrærið saman og hellið í ílangt mót. 

Marinerið sveppina í allavega 10 min á hvorri hlið.

Ekki hella afgangs marineringunni. Þið þurfið hana til að pensla á sveppina þegar þið grillið þá.

Á meðan sveppirnir marinerast,skerið þá niður:

-tómata

-rauðlauk

-kál eftir smekk. 

(Ég notaði spínat og þurfti ekkert að skera..bara skola vel.)

Pestó majones:

3 msk majones

2 msk 10%sýrður rjómi

2 msk rautt pestó

---

-matreiðsla-

Grillið sveppina í ca.12 min á miðlungs hita. 

Snúið á 3 mín fresti og penslið með marneringunni.

Setjið ost á sveppina þegar þeir eiga ca.2 mínútur eftir.

(Ég grillaði í grillbakka,og myndi mæla með því.)

Takið sveppina af grillinu og setjið brauðið á.

Grillið í smá stund á hvorri hlið.

Setjið sósu og grænmeti á borgarann,snæðið og njótið!

---

Kartöflur:

(Ég notaði "fingerling" kartöflur,en það er líka gott að nota bökunarkartöflur.)

Skerið kartöflurnar í langa bita.

Sjóðið í söltu vatni í ca. 10-15 mínútur.

Hellið öllu vatni af og setjið kartöflurnar í eldfast mót.

Hellið olíu yfir(ekki of mikla olíu) og kryddið eftir smekk. 

Ég notaði salt,pipar og hvítlauksduft. 

Setjið í 200 gráðu heitan ofn og bakið í 15 mínútur á jöfnum hita.

Hækkið í 250 gráður og stillið ofninn á grill,og bakið í auka 5-10 mínútur,eftir smekk.

---

Mamma grautargerðarkona..

---

Það var opið hús í leikskólanum hjá Birki Ísak í dag. Þar var búið að hengja upp myndir sem hann teiknaði,ein af mér og önnur af Árna. Fyrir ofan myndirnar stóð "Hvað gerir mamma/pabbi?".

Og svörin hans Birkis míns voru vægast sagt skemmtileg. :)

Hvað gerir mamma?

"Hún blandar sokkum,fjólubláum. Hún gerir graut og býr til annan graut og annan og annan og annan. Hún púslar bíl. Hún setur sykur í og mjólk. Hún getur galdrað bangsa í burtu."

Hvað gerir pabbi?

Hann gerir ekkert,aldrei. Já..hann fer í vinnuna. Pabbi fer á æfingu og lúllar hjá mér á kvöldin."

---

Svo var annað spurningablað:

Hvað heitir þú:

Birkir Ísak Árnason

Hver er uppáhalds liturinn þinn?

Rauður,hann er rosa fallegur. Það er rautt ofan í jörðinni,eins og eldgos...eins og í risaeðlubókinni.

Hvað er uppáhalds bókin þín?

Bambi og Toy Story.

Hver er uppáhalds teiknimyndin þín?

Bangsímon,hann á hunang. Hann er með stóra bumbu því hann borðaði svo mikið.

Hver er besti vinur/vinkona þín?

Óttar Örn og Sigurást.

Hvað finnst þér skemmtilegast að gera á leikskólanum?

Kubba,leika með dótið,lita. Ég leik með skóflu úti og set sand í fötuna.

Hver er uppáhalds maturinn þinn?

Grjónagrautur. Ég get borðað 6 skálar.

---

Yndislegt! 

:)

Birkir Ísak

---

Fyrir akkúrat 4 árum fæddist Birkir Ísak,litli gulllklumpurinn og hjartaknúsarinn okkar. Hann var vigtaður tvisvar sinnum eftir fæðingu,þar sem ljósurnar höfðu spáð 13 marka barni,en í heiminn mætti öskrandi 17.5 marka bolti. :) Hann er búinn að vera algert draumabarn síðan hann fæddist,aldrei vesen á honum og hann brosir frá morgni til kvölds.

Ég fæ fiðrildi í hjartað í hvert skipti sem ég horfi á hann... :)

---

NÝFÆDDUR:

EINS ÁRS:

TVEGGJA ÁRA:

ÞRIGGJA ÁRA:

FJÖGURRA ÁRA:

:)

---