Pekanbaka..

---

Þar sem ég rembist eins og rjúpan við staurinn þessa dagana við það að borða hollt,þá hef ég verið ansi hugmyndasnauð í eldhúsinu að undanförnu. Sérstaklega þegar kemur að bakstri. Ég lít venjulega ekki við bakkelsi ef það er ekki kíló af smjöri í því og annað eins af sykri. Sönn saga. -eða svona næstum því.

Uppáhalds sjónvarpskokkarnir mínir,og hreinlega bara mínar helstu matreiðslu fyrirmyndir,eru Nigella,Ina Garten og Paula Deen. Og það vita þeir sem til þekkja að þessar þrjár spara ekki smjörið!

                                                     ---

EN,ég fór á netvapp í leit að köku sem ég gæti skellt í og borðað með góðri samvisku.  Þar stóð Cafe Sigrún vefurinn upp úr sem endranær. Þar er af nógu að taka. Ég valdi ÞESSA uppskrift, hún leit út fyrir að geta glatt súkkulaði elskarann ,og svo átti ég allt í hana. Að ég hélt.

Ég gerði botninn alveg eftir bókinni. Svo þegar kom að því að gera fyllinguna þá komst ég að því að ég átti ekki banana. Ég notaði sem sagt eina msk. af Bertolli smjeri í staðinn(gleðin mikil að "neyðast" svona til að nota smjer í einhverju formi).

Svona gerði ég fyllinguna:

100 gr. cashewhnetur
7 döðlur(bútaðar) sem hafa legið í bleyti í 20 min.
1 msk. bertolli smjör
60 ml léttmjólk
30 gr kakó
4 msk hlynsíróp
1 tsk vanilludropar
smá salt
2 msk kókosolía

..og fyllingin var ÆÐI! rosalega góð,ég sleikti alveg jafn vel upp úr skálinni eins og ef um "alvöru" köku væri að ræða.

Sjáið bara hvað hún er falleg:

..þessi elska fer með mér í saumó annað kvöld,en þar verður hollustuþema aldrei þessu vant. Engir heitir,feitir réttir og kók.

---

Um helgina ætla ég að reyna að endurskapa uppáhalds Cheesecake Factory réttinn minn;Spicy Cashew Chicken. Ef það lukkast vel þá hef ég lofað að bjóða vinkonum mínum í mat. Og þá skal ég líka henda uppskriftinni hingað inn. Engin hollusta þar!!

Ó hvað ég hlakka til að prófa!

---

Bæ í bili,

r e g í n a :)