Sunnudags"steikin"..

Við strákarnir áttum gott kvöld saman í gærkvöldi,borðuðum góðan(rosa góðan) mat,við Róbert Elí drukkum jólaöl með og svo höfðum við það huggó áður en strákarnir fóru svo að sofa. Oh ég á svo gott að eiga svona góða stráka. :)


Ég gerði líka þennan kjúkling og sósuna fyrir vinkonur mína á föstudaginn og þær nutu vel get ég sagt ykkur. 

---

Fylltar kjúklingabringur:

---

FYLLING:

Látið malla á pönnu þar til mjúkt og farið að brúnast aðeins:

-Einn laukur,smátt saxaður

-Ca.hálf askja af smátt skornum sveppum

-2-3 hvítlauksrfit,smátt skorin eða rifin.

Bætið þá við:

-Einni vænni lúku af fersku spínati,söxuðu.

Öllu hrært saman og leyft að malla á pönnunni þar til þetta er komið fallega saman.

Leyfið blöndunni aðeins að kólna. Bæti henni svo saman við eina(litla) öskju af rjómaosti með svörtum pipar(rjómaosturinn mé vera hvernig sem er,eftir smekk). 

Kryddið eftir smekk.

BRINGUR:

-Lemjið bringurnar með kjöthamri(sléttu hliðinni,gott að hafa plastpoka á milli),þar til þær eru ca. 1 cm á þykkt. 

-Smyrjið rjómaostablöndunni á bringurnar,rúllið þeim upp og lokið hliðunum með tannstönglum.

-Steikið á heitri pönnu í ca 2 min á hvorri hlið,þar til þær hafa brúnast örlítið.

-Færið bringurnar yfir í eldfast form og í ofn á 180°.

Ég mæli EINDREGIÐ með kjöthitamæli. Það ættu allir að eiga einn svoleiðis. 

Stingið mælinum í þykkasta part einhverrar bringunnar. Þegar kjúklingurinn hefur náð 75 gráðum skuluð þið taka hann út og setja álpappír yfir formið og láta standa í ca. 10 min.

Mér finnst gott að skera bringurnar í sneiðar. En auðvitað er hægt að bera þær fram heilar.

---

MEÐLÆTI:

Frábær sætkartöfluréttur:

-Sneiðið sætar kartöflur í þunnar sneiðar,eða skerið í litla teninga(magn fer eftir fjölda). 

-Gerið það sama við venjulegar bökunarkartöflur(í minna magni en sætu kartöflurnar þó). 

-Skerið niður ferska sveppi. 

-Skerið niður heilan Mexíkó ost í litla bita. 

-Blandið þessu öllu saman og látið í eldfast mót. 

-Hellið rjóma yfir,þar til hann þekur nánast blönduna. 

-Setjið álpappír yfir formið og inn í ofn á 180°. 

-Eftir ca. hálftíma takið þið álpappírinn af og hækkið hitann í 200° í 10-15 min.

---

PIPAROSTASÓSA:

-Smjörsteikið sveppi í sósupotti.  

-Bætið rjóma út í. 

-Skerið piparost í litla bita og bæðið saman við. 

-Bragðbætið eftir smekk með kjúklingakrafti,salti og pipar. 

-Punkturinn yfir i-ið er svo væn teskeið af rifsberjahlaupi. 

-Sósan er tilbúin þegar osturinn og hlaupið hafa leystst alveg upp.

Ég var með grænt,plain salat með,en gott er að bæta ýmsu við:meira grænmeti,hnetum osfrv.

---

---

Þessi máltíð er ekki fyrir þá sem eru að reyna að passa línurnar. 

En hún er jafn góð og hún er rjómuð,ég lofa því. :)

---

Bæ í bili,

r e g í n a :)